موٹروے پولیس عوام کو دوران سفر مکمل سیفٹی اور سیکیورٹی مہیاکرنے کیلئے کوشاں ہے

01 اپریل 2018

اسلام آباد(خبر نگار) انسپکٹر جنرل نیشنل ہائی ویز اینڈ موٹروے پولیس ڈاکٹر سید کلیم امام نے کہا کہ نیشنل ہائی ویز اینڈ موٹروے پولیس عوام کو دوران سفر مکمل سیفٹی اور سیکیورٹی مہیاکرنے کیلئے کوشاں ہے ، حادثات سے پاک معاشرے کا فروغ ،ہر قسم کی تفریق اور تعصب سے بالاتر قانون کا نفاذ، رکاوٹوں سے پاک ٹریفک، جدید اور بروقت امدادی سہولیات کی فراہمی ،تمام طبقات اور شعبہ جات ہائے زندگی سے تعلق رکھنے والے خواتین و حضرات میں محفوظ اور روڈ سیفٹی قوانین کے مطابق ڈرائیونگ کے شعور کو اجا گر کرنا نیشنل ہائی ویز اینڈ موٹروے پولیس کابنیادی نصب العین ہے۔ملازمین کی صلاحیتوں کی تعمیر کسی بھی شعبے کی کامیابی میں اہم کردار ادا کرتی ہے۔ صلاحیتوں کی تعمیر کی اہمیت کے پیش نظر نیشنل ہائی ویز اینڈ موٹروے پولیس تمام کیڈرز کے افسران و ملازمین کی صلاحیتوں کومزید بہتر بنانے کیلئے خصوصی لیکچرز اور ورکشاپس کا با قاعدہ ہتمام کررہی ہے۔شاہرائوں کو حادثات سے پاک کرنے کے مقاصد کو حاصل کرنے کیلئے بہترین قسم کی حکمت عملی اختیار کرنے کی ضرورت ہے۔اس مقصد کیلئے نیشنل ہائی ویز اینڈ موٹروے پولیس نے موٹروے پولیس ڈرائیونگ لائسنسنگ اتھارٹی کے زیر نگرانی نیشنل ہائی ویز اینڈ موٹروے پولیس روڈ سیفٹی ٹریننگ انسٹی ٹیوٹ اسلام آباد میں ٹریفک حادثے کی تحقیقات کے سلسلے26تا 30مارچ تک 05روزہ ٹریننگ کا اہتمام کیا۔ڈاکٹر عمر مسعود قریشی نے اپنی پی ایچ ڈی تحقیق بارے میں نیشنل ہائی ویز اینڈ موٹروے پولیس کے افسران کو خصوصی ٹریننگ دی ۔