لاہور (خصوصی نامہ نگار) انجمن اہلحدیث لاہور کے صدر اور جامع محمدی فردوس پارک سنت نگر کے خطیب مولانا فضل الرحمن بن محمد نے اجتماع سے خطاب کرتے ہوئے کہا کہ انتخابات قریب ہیں اب سیاستدان اس نعرے کی تکرار کرتے نظر آئیں گے کہ میں تو قوم کی خدمت کے لئے سیاست کر رہا ہوں اسلئے مجھے منتخب کرنے کیلئے ووٹ دیں۔ حالانکہ یہ بات بالکل واضح اور روشن ہے کہ خدمت وغیرہ کا کوئی جذبہ ان میں موجود نہیں ہوتا۔ صرف اقتدار حاصل کر کے قومی وسائل کی لوٹ مار ان کا مطمع نظر ہوتا ہے۔ خدمت کسی بھی طرح سے ہو سکتی ہے اس کیلئے عہدے یا وزارتوں کی نہیں صرف جذبے اور نیک نیتی کی ضرورت ہوتی ہے جو ہمارے سیاستدانوں میں مفقود ہے۔