ڈیرہ اسماعیل خان( نامہ نگار)تھانہ ڈیرہ ٹائون کے علاقہ بُچہ میں والد کی طرف سے اپنی روٹھی بیوی کو زبردستی لے جانے کے دوران بیٹے نے کلاشنکوف سے فائرنگ کرکے باپ کو قتل کردیا ‘ ایس ایچ او ٹائون حافظ محمد عدنان نے فوری طور پر کارروائی کرکے بیٹے کو آلہ قتل کلاشنکوف اور 10کارتوس سمیت گرفتار کرلیا۔ تفصیلات کے مطابق تھانہ ڈیرہ ٹائون کی حدود میں واقع علاقہ بُچہ میں سونا خان اپنی روٹھی بیوی کو زبر دستی ساتھ لے جانا چاہتا تھا اس دوران سوتیلے بیٹے حکمت اللہ جو اپنی والدہ کے ساتھ رہتا تھا نے کلاشنکوف سے اپنے سوتیلے باپ سونا خان پر فائرنگ کردی جس سے وہ جاں بحق ہو گیا ‘ واقعہ کی اطلاع پر ایس ایچ او ٹائون حافظ محمد عدنان نے پولیس پارٹی کے ہمراہ فوراً موقع پر پہنچ کر ملزم کو آلہ قتل ایک کلاشنکوف اور 10کارتوس سمیت گرفتار کرلیا۔