غیر اعلانیہ لوڈ شیڈنگ قابل مذمت ہے‘ آصف حسنین

01 اپریل 2018

کراچی (خصوصی رپورٹر) پاک سرزمین پارٹی کراچی ڈویژن کے صدر آصف حسنین نے کہا ہے کہ کے الیکٹرک کی جانب سے کراچی کے مختلف علاقوں میں 10 سے 12 گھنٹے غیر اعلانیہ لوڈشیڈنگ کرنے کی سخت مذمت کرتے ہیں۔ انہوں نے کہاکہ گرمیوں کے آغاز سے ہی لوڈ شیڈنگ میں اضافہ کے الیکٹرک کی نااہلی اور بے حسی کی عکاسی کرتا ہے۔ انہوں نے کہاکہ ایک طرف میٹرک اور انٹر کے امتحانات میں طلباء مصروف ہیں لیکن بجلی کی آنکھ مچولی نے نہ صرف طلباء بلکہ تمام شہریوں کا جینا دوبھر کر دیا ہے انہوں نے کہاکہ فروری سے نیپرا سوائے کراچی کے پورے ملک میں 2 روپے فی یونٹ قیمتوں میں ریلیف دے رہی ہے ۔