شکست سے خوفزدہ ا مریکی باکسر مے ویدر کا عامر خان سے مقابلے سے انکار

شکست سے خوفزدہ ا مریکی باکسر مے ویدر کا عامر خان سے مقابلے سے انکار

واشنگٹن (آئی این پی) ناقابل شکست رہنے کے شوقین امریکی باکسر مے ویدر ایک بار پھر عامر خان سے ڈر گئے۔ گزشتہ ماہ فائٹ آف دی سنچری جیتنے والے امریکی باکسر نے پاکستانی نڑاد باکسر سے مقابلے کا امکان مسترد کر دیا۔ مئی میں فلپائن کے مینی پیکیاو کو شکست دینے کے بعد فلائیڈ مے ویدر نے اعلان کیا تھا کہ وہ ستمبر میں اپنے کیرئیر کا آخری مقابلہ لڑیں گے۔خیال کیا جا رہا تھا کہ مے ویدر کا یہ مقابلہ پاکستانی نڑاد برطانوی باکسر عامر خان سے ہو گا تاہم مے ویدر نے اپنے حالیہ بیان کے ذریعے ایسے کسی امکان کو مسترد کر دیا ہے۔ مے ویدر نے کہا کہ وہ اپنے کیرئیر کے اختتامی میچ میں کریم مے فیلڈ یا اینڈرے برٹو میں سے کسی ایک کا سامنا کریں گے، عامر خان کا نہیں۔مے ویدر اس سے قبل بھی متعدد بار عامر خان سے مقابلے کا اعلان کر کے مکر چکے ہیں۔