سپریم کورٹ نے کراچی میں جاری قتل و غارت اور بدامنی کا ازخود نوٹس لیتے ہوئے نجی ٹی وی چینلز سے تمام تفصیلات اور فوٹیجز کل طلب کرلی ۔

سپریم کورٹ نے کراچی میں جاری قتل و غارت اور بدامنی کا ازخود نوٹس لیتے ہوئے نجی ٹی وی چینلز سے تمام تفصیلات اور فوٹیجز کل طلب کرلی ۔

چیف جسٹس آف پاکستان افتخار محمد چوہدری نے کراچی میں ٹارگٹ کلنگ اور طویل عرصے سے جاری بدامنی کا نوٹس لے لیا ہے ۔ انہوں نے یہ نوٹس اخبارات اور ٹی وی چینلز کی خبروں کو بنیاد بناتے ہوئے لیا ہے ۔ چیف جسٹس نے تمام ٹی وی چینلز کو ہدایت کی گئی ہے کہ وہ کراچی میں تشدد کے واقعات کے حوالےسے دستیاب معلومات اور ریکارڈ کل تک عدالت کو فراہم کر دیں۔ ذرائع کے مطابق فائرنگ کرنے والے افراد کی فوٹیجز کا ریکارڈ خصوصی طور پر طلب کیا گیا ہے۔ اس حوالے سے ٹی وی چینلز کو نوٹسز بھی ارسال کردیئے گئے ہیں۔