لاہورمیں حضرت علی کرم اللہ وجہہ کے یوم شہادت کے مرکزی جلوس میں تین خود کش حملوں کے نتیجہ میں شہید ہونے والوں کی نمازجنازہ ادا کردی گئی۔

حضرت علی رضی اللہ تعالٰی عنہ کے یوم شہادت کے موقع پر نکلنے والے ماتمی جلوس میں خودکش حملوں کے بعد تمام تاجر تنظیموں نے آج سوگ میں مارکیٹیں بند رکھنے کا اعلان کیا تھا۔ لاہور میں مال روڈ، ہال روڈ، پینوراما سنٹر، انارکلی، شاہ عالم مارکیٹ، اعظم کلاتھ مارکیٹ، کشمیری بازار، لبرٹی مارکیٹ، اور گلبرگ بورڈ کی تمام مارکیٹیں بند رہیں۔ تاجر رہنماؤں کا کہنا ہے کہ عیدالفطر قریب ہونے کے باوجود سانحہ کربلا گامے شاہ کے سوگ میں آج کاروبار نہیں کیا گیا۔
مزید تفصیل

کراچی میں گزشتہ روز صدر کے علاقے میں عزاداروں کے جلوس پر ایک عمارت سے فائرنگ کی گئی۔ جس کے نتیجے میں میں سات افراد زخمی ہوگئے تھے۔ زخمیوں کو فوری طور پر کراچی کے سول اور جناح ہسپتال منتقل کیا گیا۔ ہسپتال ذرائع کے مطابق تمام زخمیوں کی حالت اب خطرے سے باہر ہے۔ واقعہ کے بعد پولیس نے چند افراد کو حراست میں لینے کا دعویٰ بھی کیا ہے ۔ تاہم عمارت سے گرفتار کئے جانے والے افراد سے کسی قسم کا اسلحہ برآمد نہیں ہوا اور نہ ہی تاحال اس واقعہ کا مقدمہ درج ہوسکا ہے۔
مزید تفصیل