ملک کے زیادہ ترعلاقوں میں موسم خشک اورگرم، تاہم مالاکنڈ، ہزارہ، راولپنڈی اور لاہورڈویژن میں گرج چمک کے ساتھ ہلکی بارش کا امکان ہے۔

پیپکو حکام کے مطابق اس وقت ملک میں بجلی کی کل طلب پندرہ ہزار آٹھ سو پانچ اور پیدوار گیارہ ہزار ایک سو پانچ میگاواٹ ہے۔ ہائیڈل ذرائع سے تین ہزار تین سو ساٹھ، تھرمل سے ایک ہزار تین سو اڑسٹھ اور آئی پی پیز سے چھ ہزار تین سو ستتر میگاواٹ بجلی حاصل کی جارہی ہے۔ شارٹ فال میں کمی کے بعد بھی بد ترین لوڈ شیڈنگ کا سلسلہ جاری ہے اور شہروں میں چودہ جبکہ دیہات میں بیس گھنٹے تک بجلی کی بندش نے زندگی مفلوج کردی ہے۔ غیر اعلانیہ لوڈ شیڈنگ کے باعث جہاں گرمی کے ستائے شہریوں کو پریشانی کا سامنا ہے وہیں کاروباری
مزید تفصیل

لاہورميں انجن شيڈ ملازمين نے اپنے مطالبات کے حق میں بارہويں روزبھی چار گھنٹے کی علامتی ہڑتال کی،اس دوران انہوں نے کوئی انجن شيڈسے نکلنے نہیں ديا جس سے ٹرینوں کی آمدو رفت بھی متاثر ہوئی۔ ہڑتالی ملازمين نے مطالبات کے حق اور حکومت کے خلاف شدید نعرے بازی کی۔ ملازمین کی روزانہ چار گھنٹے کی علامتی ہڑتال کا سلسلہ اٹھائیس مئی تک جاری رہے گا جبکہ ملازمین نے مطالبات منظور نہ ہونے کی صورت میں ریل کا پہیہ جام کرنے کی دھمکی بھی دی ہے۔
مزید تفصیل

شمالی وزیرستان کے علاقے میران شاہ کے قریب امریکی جاسوس طیارے نے ایک گھر پر دو میزائل فائر کیے۔ حملے میں گھر مکمل طور پر تباہ جبکہ اس میں موجود چار افراد جاں بحق ہوگئے۔ مزائل حملے کے بعد جاسوس طیاروں کی پروازوں کی وجہ سے امدادی کاموںمیں مشکلات کا سامنا کرنا پڑا۔ واضح رہے کہ چار روز کے دوران شمالی وزیرستان میں یہ تیسرا ڈرون حملہ ہے اس سے پہلے دو حملوں میں چار افراد ہلاک ہوئے تھے۔ ڈرون حملوں کی وجہ سے علاقے میں خوف و ہراس پایا جاتا ہے۔
مزید تفصیل