انیس سو بانوے کی کرکٹ ورلڈکپ فاتح ٹیم کے کپتان عمران خان نے کہا ہے کہ کھلاڑیوں کو میچ فکسنگ کے محض الزامات پر ہی سزا سنا دی گئی ہے۔

لاہور میں میڈیا سے بات کرتے ہوئے عمران خان کا کہنا تھا کہ پہلے ان بے چاروں کی بات تو سن لینا چاہیے اور انہیں اپنی صفائی کا موقع دینا چاہیے، محض الزام پر کھلاڑیوں کو سزا سنانا ان کے ساتھ ناانصافی ہے۔ عمران خان نے کہا کہ کھلاڑیوں پر میچ فکسنگ کا جرم ثابت ہونے سے پہلے ہی پابندی لگا دی گئی اور ان کی جائیدادیں قرق کرنے کی باتیں کی جا رہی ہے۔