کھلاڑی بے قصور ہوئے تو برطانوی اخبار کےخلاف قانونی چارہ جوئی کرینگے : تفضل رضوی

لاہور (سپورٹس رپورٹر) برطانیہ میں موجود پاکستان کرکٹ بورڈ کے قانونی مشیر تفضل رضوی نے کہا ہے کہ سکاٹ لینڈ یارڈ کی طرف سے انکوائری جاری ہے، اگر ہمارے کھلاڑی بے قصور قرار پائے تو پی سی بی کی طرف سے نیوز آف ورلڈ کے خلاف قانونی چارہ جوئی کی جائے گی۔ نوائے وقت سے فون پر گفتگو کرتے ہوئے انہوں نے کہا کہ اگر ہمیں برطانیہ میں قانونی مشاورت کی ضرورت پڑی تو یہاں کسی لاءفرم سے رابطہ کریں گے۔ دریں اثناءپاکستان کرکٹ بورڈ کے ترجمان نے کہا ہے کہ میچ فکسنگ کے حوالے سے بورڈ کا موقف واضح ہے کہ کسی کھلاڑی کے ساتھ کوئی رعایت نہیں کی جائے گی۔ ترجمان نے کہا کہ پاکستان کرکٹ بورڈ کے لیگل مشیر کے ساتھ برطانیہ کی لاءکمپنی کی خدمات حاصل ہیں جو برطانیہ کی پولیس کے ساتھ مکمل رابطے میں ہیں۔