سہ فریقی سیریز : پاکستان اے ٹیم نے سری لنکا کو 3 وکٹوں سے ہرا دیا

کولمبو (نیٹ نیوز) پاکستان اے کرکٹ ٹیم نے سہ فریقی ٹورنامنٹ میں سری لنکا اے کو 3 وکٹوں سے ہرا دیا۔ پاکستان اے کے حماد اعظم نے 68 گیندوں پر 63 رنز بنا کر ٹیم کی فتح میں اہم کردار ادا کیا۔ ان کی اننگز میں 5 چوکے اور 2 چھکے شامل تھے۔ تفصیلات کے مطابق پاکستان اے نے ٹاس جیت کر پہلے فیلڈنگ کرنے کا فیصلہ کیا۔ سری لنکا اے نے مقررہ 50 اووروں میں 9 وکٹوں پر 224 رنز بنا کر پاکستان اے کو جیتنے کیلئے 225 رنز کا ہدف دیا۔ پاکستان اے ٹیم نے مطلوبہ ہدف 7 وکٹوں کے نقصان پر حاصل کر لیا۔ پاکستان اے ٹیم کے حماد اعظم نے شاندار 63 رنز بنائے۔ عامر سجاد 39 اور شہریار غنی 36 رنز کے ساتھ نمایاں رہے۔