فیفا ورلڈکپ میں ٹیموں کی فتح کی پیش گوئی کرنے والے آکٹوپس نے ورلڈ کپ فائنل میں سپین کو فاتح قرار دے دیا

فٹبال ورلڈ کپ میں ہالینڈ اور سپین کے درمیان فائنل مقابلےمیں آکٹوپس نے سپین کو فاتح منتخب کر کےاس بارڈچ شائقین کی پریشانیوں میں اضافہ کر دیا ہے۔ جرمنی کے ایکیوریم میں موجود پال نامی یہ آکٹوپس اس سے پہلے بھی ورلڈ کپ مقابلوں میں درست پیش گوئی کر کے دنیا بھر کے میڈیا کی توجہ حاصل کرچکا ہے۔ سپین اور جرمنی کےدرمیان
کھیلے گئے ٹورنامنٹ کے سیمی فائنل میں اس آکٹوپس نے سپین کو فاتح قرار دے کر ٹورنامنٹ کی آخری درست پیش گوئی کی تھی۔ جنوبی افریقہ میں جاری فٹبال ورلڈ کپ کا فائنل کل کھیلا جائے گا۔ یاد رہے کہ سپین اور ہالینڈ کی ٹیمیں
پہلی دفعہ ورلڈ کپ کے فائنل میں پہنچی ہیں۔