اعجاز بٹ نے جھوٹ بولا، تنخواہ 5 لاکھ 71 ہزار روپے ہے: جاوید میانداد

لاہور (نیٹ نیوز) پاکستان کرکٹ ٹیم کے ڈائریکٹر جنرل جاوید میانداد نے کہا ہے کہ اعجاز بٹ نے جھوٹ بول کر انکی تذلیل کی ہے‘ انہیں شرم آنی چاہئے۔ جاوید نے کہا کہ پی سی بی ان سے کام نہیں لیتا۔ انہوں نے کہا کہ انکی تنخواہ 10 لاکھ نہیں بلکہ 5 لاکھ 71 ہزار روپے ہے۔ خود اعجاز بٹ کے اخراجات لامحدود ہیں۔ انہوں نے کہا کہ اعجاز بٹ کی وجہ سے کرکٹ کی ساکھ خراب ہوئی۔ انہوں نے سفارشیوں کو ٹیم میں رکھا۔