نیشنل پولو چیمپئن شپ میں مزید 4میچوں کا فیصلہ

لاہور (سپورٹس رپورٹر) بنک الفلاح نیشنل پولو چیمپئن شپ فار قائد اعظم گولڈ کپ میں مزید چار میچوں کا فیصلہ ہو گیا۔ گارڈ رائس/ نیو ایج، ٹیگیح آرمی، ایچ ایس بی سی بنک اور الخان/ ٹپمور نے اپنی اپنی حریف ٹیموں کو شکست سے دوچار کیا۔ لاہور پولو کلب میں جاری ٹورنامنٹ میں گذشتہ روز پہلے میچ میں گارڈ رائس/ نیو ایچ کی ٹیم نے سخت مقابلے کے بعد کالونی شوگر کی ٹیم کو 7-6 سے مات دی۔ دوسرے میچ میں ٹیگیح/ آرمی نے حتف کے خلاف 6 کے مقابلے 9 گول سے کامیابی حاصل کی۔ تیسرے میچ میں ایچ ایس بی سی بنک نے پاکستان ائر فورس کی ٹیم کو 10-4 سے شکست دی۔ چوتھے میچ میں الخان/ ٹپمور اور ہلٹن فارما کی ٹیموں کے درمیان دلچسپ مقابلہ دیکھنے میں آیا۔ الخان/ ٹپمور کی ٹیم نے 9-8 سے کامیابی حاصل کی۔