پاکستان اور آسٹریلیا کی کرکٹ ٹیموں کے درمیان دو ٹوئنٹی ٹوئنٹی میچوں کی سیریزکا پہلا میچ آج برمنگھم میں کھیلا جائے گا۔

قومی کرکٹ ٹیم اپنے دورہ انگلینڈ کا باقاعدہ آغازآج سے آسٹریلیا کے خلاف ٹوئنٹی ٹوئنٹی میچ کھیل کر کر رہی ہے۔ ادھر آسٹریلوی آل راؤنڈر جیمز ہوپس کو پاکستان کے خلاف ٹوئنٹی میچوں کی سیریز کے لئے ٹیم میں شامل کر لیا گیا ہے۔ انہیں ڈین کرسچین کی جگہ آسٹریلوی سکواڈ کا حصہ بنایا گیا ہے۔ ڈین کرسچین مقامی ٹیم ہیمپشائر کے خلاف کھیلتے ہوئے پنڈلی کی تکلیف کا شکار ہوگئے تھے۔ دونوں ٹیموں کے درمیان چھ جولائی کو ہونے والا سیریزکا دوسرا اور آخری ٹوئنٹی میچ بھی برمنگھم میں ہی کھیلا جائے گا۔