غیر ملکی ٹیموں کے پاکستان نہ آنے سے پی سی بی کو 4 ارب سے زائد کا خسارہ

اسلام آباد (نیٹ نیوز) سیکورٹی خدشات کے باعث ملک میں انٹرنیشنل کرکٹ ایونٹس کا انعقاد نہ ہونے سے پاکستان کرکٹ بورڈ کو اب تک 4 ارب روپے سے زائد کا خسارہ ہو چکا ہے۔ سیکورٹی وجوہات کی بنا پر غیر ملکی ٹیموں کی پاکستان آمد نہیں ہو سکی جس کی وجہ سے انٹرنیشنل کرکٹ کا انعقاد ممکن نہ ہونے سے اکیاون اعشاریہ بائیس ملین ڈالرز کا پی سی بی کو اب تک نقصان ہوچکا ہے۔ پی سی بی کو بڑا نقصان 47.22 ملین ڈالرزکا بھارتی کرکٹ ٹیم کے دورہ پاکستان منسوخ ہونے سے ہوا ہے۔ جس میں ٹی وی رائٹس کی مد میں ملنے والے37.22 ملین ڈالرز بھی شامل ہیں۔ اس کے علاوہ چیمپئنز ٹرافی 2008ء اور ورلڈکپ 2011ء کی میزبانی چھن جانے سے دو ملین ڈالرز کا نقصان ہوا ہے۔ نیوٹرل ویونیوز پر ہوم سیریز کے انعقاد سے بھی بورڈ کو بھاری مالی نقصان ہونے کا اندیشہ ہے۔ جس کا تخمینہ لگایا جا رہا ہے۔