سری لنکا اور بھارت کی کرکٹ ٹیموں کے درمیان تیسرا ٹیسٹ میچ کل سے کولمبو میں شروع ہوگا

میزبان سری لنکا کو تین میچوں کی سیریز میں ایک صفر کی برتری حاصل ہے۔ گھٹنے کی انجری کے شکار بھارتی
بلے باز گوتم گمبھیر تیسرے ٹیسٹ میں بھی اپنی ٹیم کی نمائندگی نہیں کرسکیں گے جبکہ سپنر ہربھجن سنگھ کی بھی فٹنس مسائل کے باعث میچ میں شرکت مشکوک ہے۔ ہربھجن سنگھ کی جگہ بھارتی ٹیم انتظامیہ امیت مشرا یا مناف پٹیل کو کھیلا سکتی ہے۔ ادھر سری لنکا کی سائیڈ میں قابل ذکر تبدیلی کا کوئی امکان نہیں ہے۔