بلدیہ کراچی اور سری لنکن ٹیم پر حملہ کرنے والے دہشت گردوں میں مماثلت

کراچی (کرائم رپورٹر) کراچی کے علاقے بلدیہ ٹاﺅن میں بم دھماکہ سے ہلاک ہونے والے دہشت گردوں اور لاہور میں سری لنکن کرکٹ ٹیم پر حملہ کرنے والے دہشت گردوں میں مماثلت پائی گئی ہے۔ جمعرات کو کراچی میں دھماکے سے ہلاک ہونے والے کم از کم دو دہشت گرد لاہور میں سری لنکن کرکٹ ٹیم پر حملہ کرنے والوں کی ہی طرح پینٹ شرٹ میں ملبوس اور جاگرز پہنے ہوئے تھے ان کی جیبوں میں ہینڈ گرنیڈ موجود تھے اور پشت پر بیگز میں کلاشنکوف کے اضافی میگزین اور راﺅنڈ بھرے ہوئے تھے۔