گھوٹکی: سپر ہائی وے پر بس اور ٹرالر میں تصادم‘ 13جاں بحق‘ 15زخمی

گھوٹکی (ثناءنےوز) گھوٹکی کے قریب سپر ہائی وے پر بس اور ٹرالر کے درمیان تصادم کے نتیجہ میں 13 افراد جاں بحق اور 15 سے زائد زخمی ہو گئے جن میں سے 7 کی حالت تشویشناک ہے۔ تفصیلات کے مطابق حادثہ پیر کو ڈیڑھ بجے کے قریب اس وقت پیش آیا جب سکھر سے رحیم یار خان جانے والی مسافر بس گھوٹکی کے قریب سپر ہائی وے پر سامنے سے آنے والے ٹرالر سے ٹکرا گئی جس سے 10 مسافر موقع پر جاں بحق جبکہ 3 نے ہسپتال پہنچ کر دم توڑ دیا ۔ عینی شاہدین کے مطابق حادثہ بس ڈرائیور کی غفلت سے پیش آیا ۔ پولیس کے مطابق حادثہ اس قدر شدید تھا کہ بس مکمل طور پر تباہ ہو گئی اور لاشوں اور زخمیوں کو بس کی باڈی توڑ کر نکالا گیا۔