وزیراعلیٰ سندھ سید قائم علی شاہ نے کہا ہے کہ نئے بجٹ میں صوبے کی خوشحالی اور غربت کے خاتمے کے منصوبے شامل ہیں

 خیرپور میں لیڈی ولنگٹن ہسپتال میں نئے بلاکس کے افتتاح اورمہران انجنیئرنگ یونیورسٹی کالج کے دورے کے دوران میڈیا سے گفتگو کرتے ہوئے وزیر اعلیٰ سندھ سید قائم علی شاہ کا کہنا تھا کہ نیا بجٹ عوام کے مسائل کو مد نظر رکھ کر بنایا گیا ہے بجٹ بنانے میں اتحادیوں سے بڑی مشاورت کی۔ انہوں نے کہا کہ نئے بجٹ میں کراچی سمیت سندھ کے تمام اضلاع کو مطلوبہ حصہ دیا گیا ہے، قائم علی شاہ نے کہا کہ بیروزگاری کے خاتمے کےلئے جدید ٹیکنالاجی سے تربیت یافتہ نوجوانوں کو ملازمتوں کےلئے جلد بیرون ممالک بھیجنے کا سلسلہ شروع کیا جائے گا جبکہ خیرپور میں چار سو پچاس بستر کے جدید ہسپتال کی تعمیر کا کام شروع کر دیا گیا ہے۔ ان کا کہنا تھا کہ شہید بینظیر بھٹو کے عوام کو بنیادی سہولیات دینے کے مشن کے تحت خیرپور میں مہران انجنیئرنگ یونیورسٹی کالج قائم کر دیا گیا ہے جبکہ جدید بس ٹرمینل، لقمان فلائی اوور ہیڈ برج انٹر سٹی روڈ، سید رمضان علی شاہ ٹریڈ سینٹر پینے کے صاف پانی اور جدید نکاسی آب کے منصوبوں پر کام شروع کر دیا گیا ہے۔