نواں گیت وکیلاں دا!

سو سڑکاں تے دو سو ناکے ٹپ کے
آواں گے ہوا بن کے
ہر موڑ تے دیواں گے گرفتاریاں
سِراں تے کفن بن کے
تسی ظلم دی اخیر جڑی کیتی ہے
یاد رکھاں گے جو ساڈے اْتے بیتی اے
اسلام آباد وچ ساتھوں لُک کے
بیٹھے او خدا بن کے؟
انصاف دیاں بند بوہے باریاں
کھول دیتیاں نیں اسی آکے ساریاں
ہالی ویلا اے بحال جج کر دیو
اپنی خطا من کے
نیئں مکنیاں ساڈیاں ایہہ ریلیاں
تہاڈے متھے اُتے آؤنیاں تریلیاں
ساہنوں پتہ اے کہ وچوں ہل گئے او
بیٹھو لکھ تن تن کے
ہن میڈیا نوں ڈکنا اسان نئیں
پھٹے چینلاں دے چکنا اسان نئیں
جھانویں پی ٹی وی نے شیری رحمن دی
گھڑی گھڑی چوڑی چھنکے
سو‘ سڑکاں تے دو سونا کے ٹپ کے
آواں گے ہوا بن کے
ہر موڑ تے دیواں گے گرفتاریاں
سِراں تے کفن بن کے!