حب میں واقع نجی ہوٹل پر دستی بم حملے کے نتیجے میں ایک شخص جاں بحق جبکہ آٹھ زخمی ہوگئے۔

پولیس ذرائع کے مطابق نامعلوم افراد صوبہ بلوچستان کے علاقے حب میں ہوٹل پردستی بم سے حملہ کرکے فرارہوگئے۔ بم حملے کے باعث ایک شخص موقع پر جاں بحق ہوگیا جبکہ آٹھ افراد زخمی بھی ہوئے۔ واقعہ کے بعد ریسکیو ٹیمیں جائے وقوعہ پرپہنچ گئیں اورزخمیوں کو طبی امداد کے لیے مقامی ہسپتال پہنچایا۔دوسری جانب سکیورٹی فورسز نے علاقے کا محاصرہ کرکے ملزمان کی تلاش کے لئے سرچ آپریشن شروع کردیا ہے۔