ہنزہ کی عطا آباد جھیل کا سپل وے چوڑا کرنے کا کام جاری، موسم ابرآلود ہونے سے علاقے میں ہیلی اورریسکیو سروس معطل کردی گئی ۔

گزشتہ بارہ گھنٹوں کے دوران جھیل میں پانی کی سطح میں ایک فٹ کمی واقع ہوئی ہے ۔ جھیل میں اس وقت پانی کی آمد چودہ ہزار کیوسک اور اخراج سولہ ہزارکیوسک ہے ماہرین کی ٹیم نے سپل وے کے رستے میں میں آنیوالے ایک بڑا پتھر ہٹا دیا ہے جس سے پانی کے اخراج میں مزید اضافہ ہونے کا امکان ہے ۔ خراب موسم کے باعث جھیل میں مال بردار کشتی سروس آج معطل ہوسکتی ہے ۔ جھیل میں کشتی سروس بحال ہونے سے بالائی ہنزہ اور گوجال کے مکینوں کے علاوہ پاک چین تجارت سے منسلک تاجروں اورملکی وغیرملکی سیاحوں کےلیے بھی سفرآسان ہوگیا ہے ۔ انتظامیہ کی جانب سے کشتی سفرکے لیے لائف جیکٹس استعمال کرنا لازمی قرار دیا گیا ہے جبکہ جھیل میں بیک وقت دویا زائد کشتیوں کی آمد ورفت کی شرط لاگو رہے گی ۔ ادھر پاک فوج کی چار کشتیاں عطاء آباد جھیل میں موجود رہیں گی ، جوجھیل کے اندرکسی بھی حادثے کی صورت میں ریسکیو آپریشن کریں گے ۔