ایف آئی اے کے اہلکاروں نے سابق وزیراعلی پنجاب چوہدری پرویز الہی کے صاحبزادے چوہدری مونس الہی کے کاروباری دفتر پر چھاپہ مار کر منیجر کو حراست میں لے لیا ۔

ایف آئی ،اے ذرائع کے مطابق ڈپٹی ڈائریکڑ کرائم سرکل جاوید شاہ کی سربراہی میں مارے گئے، اس چھاپے میں ایجنسی کے اہلکاروں نے مختلف حساس نوعیت کے دستاویزات اپنے قبضے میں لے لئے ۔ دفتر کے مینجر عبدالمالک کو حراست میں لے کر تحقیقات شروع کردی گئی ہیں ۔ ذرائع کا کہنا ہے کہ چوہدری مونس الہی کے دفتر پر مارے جانے والے چھاپے کی اہم وجہ این،آئی سی، ایل کے گرفتار ملزم ایاز خان نیازی اور حبیب اللہ وڑائچ کے ساتھ ان کا کاروباری تعلق ہے ۔ دوسری جانب چودھری مونس الٰہی نے وقت نیوز سے بات کرتے ہوئے کہا کہ ان کے دفتر پر چھاپہ پیپلزپارٹی اور مسلم لیگ نون کی دوستی کا کھلا ثبوت ہے ۔ انہوں نے کہا کہ ہم پر دباؤ ڈالنے کا یہ ایک منفی ہتھکنڈا ہے جسے کا ہم ڈٹ کر مقابلہ کریں گے ۔