2 سینئر افسروں کا حکومتی پابندیوں کے باوجود دورہ لندن ‘قرضوں سے حاصل کردہ رقم کو دل کھول کر خرچ کیا جارہا ہے

اسلام آباد (جاوید الرحمن/ نیشن رپورٹ) بیورو کریٹس قرضوں سے حاصل کردہ رقم کو دل کھول کر خرچ کر رہے ہیں۔ اکنامک افیئر ڈویژن کے 2 سینئر افسروں نے ستمبر 2009ءمیں حکومتی پابندیوں کی خلاف ورزی کرتے ہوئے لندن کا 10 روزہ دورہ کیا۔ بتایا جاتا ہے کہ 2 جائنٹ سیکرٹریوں نے 25 لاکھ روپے کسی اجازت کے بغیر خرچ کر ڈالے۔ سابق سیکرٹری اکنامک افیئر ڈویژن فرخ قیوم نے سینئر افسروں کی بجائے جونیئر افسروں کی غیرملکی دوروں پر جانے کی نامزدگی کی تاہم ان کی ریٹائرمنٹ کے بعد مذکورہ دونوں افسروں نے موجودہ سیکرٹری سے دورہ کی اجازت بھی طلب نہیں کی اور لندن چلے گئے۔ وزارت خزانہ کے ذرائع کے مطابق ان میں سے ایک افسر کا یہ بھی کہنا ہے کہ آڈٹ اینڈ اکاﺅنٹس گروپ کے کسی افسر کےخلاف آڈٹ پیرا نہیں بنایا جاسکتا۔