ملک کے دوسرے حصوں کی طرح گلگت بلتستان میں بھی شدید بارش کا سلسلہ جاری ہے، کشتی سروس بند ہونے سے متاثرین عطا آباد جھیل کو شدید مشکلات کا سامنا ہے

گلگت بلتستان میں گزشتہ رات سے شروع ہونے والی طوفانی بارش کے باعث عطا آباد ، حسینی ، ہنزہ ، ہزارہ اور دیگر علاقے متاثر ہوئے ہیں ۔ بارش اور تیز ہواؤں کی وجہ سے کشتی سروس بدستور بند ہے جس کی وجہ سے لوگوں کو آمدورفت میں شدید مشکلات پیش آ رہی ہیں ۔ عطا آباد جھیل کو عبور کرنے کے لیے حکومت کے اعلان کے باوجود سرکاری کشتی سروس بہتر نہیں بنائی جاسکی ۔ گلگت بلتستان حکومت کی صرف ایک کشتی آمدورفت کے لیے استعمال ہو رہی ہے جبکہ باقی تمام کشتیاں مختلف ٹھیکیدار چلا رہے ہیں ۔ متاثرین نے حکومت سے مطالبہ کیا ہے کہ حکومت جلد از جلد سرکاری کشتیوں کی تعداد میں اضافہ کرے