آرمی چیف جنرل اشفاق پرویز کیانی کی زیر صدارت کور کمانڈرز کااجلاس ہوا۔ جس میں ملک میں سیکیورٹی کی صورت حال پر تبادلہ خیال کیا گیا

راولپنڈی میں ہونے والے کور کمانڈرز کے ایک سو چالیسویں اجلاس میں کرم ایجنسی اور مہمند ایجنسی میں جاری دہشت گردی کے خلاف آپریشن پرغور کیاگیا،اجلاس میں فیصلہ کیا گیا کہ مہمند ایجنسی میں آئی ڈی پیز کی واپسی کے لیے اقدامات کئے جائیں گے اجلاس میں مون سون بارشوں کی وجہ سے ممکنہ سیلاب کے حوالے سے کئے جانے والے اقدامات پر بھی غور کیا گیا،اس موقع پراشفاق پرویز کیانی کا کہنا تھا کہ دہشت گردی کے خاتمے کے لیے تمام تر اقدامات کیے جائیں گے۔