مرکزی اور صوبائی حکومتیں عوام کے تحفظ میں ناکام ہو گئیں : عمران خان

لاہور (خصوصی رپورٹر) بم دھماکوں اور ان میں بیگناہوں کی اموات پر دینی و سیاسی جماعتوں کے رہنماوں نے گہرے دکھ کا اظہار کرتے ہوئے دہشت گردی کے واقعات کی مذمت کی ہے۔ تحریک انصاف کے چیئرمین عمران خان نے کہا کہ مرکزی و صوبائی حکومتیں عوام کے تحفظ میں ناکام ہو چکی ہیں۔ جمعیت علمائے پاکستان (نورانی) کے سیکرٹری جنرل قاری زوار بہادر، مرکزی جمعیت اہلحدیث کے مرکزی سینئر نائب صدر علامہ زبیر احمد ظہیر، جمعیت اہلحدیث پاکستان کے سیکرٹری جنرل حافظ ابتسام الٰہی اور مرکزی رہنما محمدعلی یزدانی نے دہشت گردی کے واقعات کی مذمت کرتے ہوئے حکومت سے مطالبہ کیا کہ دہشت گردوں کو آہنی ہاتھ سے کیفر کردار تک پہنچایا جائے۔