وفاقی کابینہ میں مزید رد و بدل‘ عبدالرزاق تھہیم کو پوسٹل سروسز کا وزیر مملکت بنا دیا گیا

اسلام آباد (آن لائن) وزیراعظم سید یوسف رضا گیلانی نے وفاقی کابینہ میں مزید ردوبدل کرتے ہوئے وزیر مملکت برائے امور کشمیر و گلگت بلتستان عبدالرازق کی وزارت کا قلمدان تبدیل کردیا ہے انہیں وزارت پوسٹل سروسز میں وزیر مملکت کی نئی ذمہ داری سونپی گئی ہے کابینہ ڈویژن کی طرف سے جاری ہونے والے نوٹیفکیشن کے مطابق عبدالرازق کی وزارت کا قلمدان فوری طور پر تبدیل کردیاگیا ہے واضح رہے کہ اس سے قبل بھی وزیراعظم نے تین مختلف مواقع پر وفاقی وزراءاور وزراءمملکت کے قلمدان تبدیل کر چکے ہیں تاہم کسی وزیر سے وزارت کا قلمدان واپس نہیں لیا گیا۔