صدام کی تیسری برسی‘ ہزاروں عراقیوں کا قبر پر پھول چڑھا کر اظہار عقیدت

اوجا (اے ایف پی) سابق عراقی صدر صدام حسین کی تیسری برسی کے موقع پر ہزاروں عراقیوں نے ان کے مقبرہ پر حاضری دی اور صدام کی قبر پر پھول چڑھائے اور اظہار عقیدت کیا۔ صدام کو 2006ء میں پھانسی دی گئی تھی‘ سارا دن لوگوں کی بڑی تعداد صدام حسین کے مقبرہ پر آتے رہے جہاں عوام کے ساتھ ساتھ ان کے 2 بیٹوں اودے اور قوسے کی قبریں بھی ہیں‘ صدام حسین کو 30 دسمبر 2006ء کو عیدالاضحی کے دن پھانسی پر چڑھایا گیا تھا۔ تاہم اسلامی کیلنڈر کے مطابق اس روز عیدالاضحی تھی۔ صدام کے مقبرے پر نماز کے دوران آنسو بہانے والے عراقی شہری ام بارک نے نماز کے بعد بتایا کہ صدام کبھی نہیں مر سکتا‘ تاریخ ان بزدلوں کو یاد رکھے گی جنہوں نے صدام کے ساتھ ایسا کیا۔