عراق سے امریکی فوج کا آخری لڑاکا دستہ بھی وطن واپسی کے لیے روانہ ہوگیا

امریکی ٹی وی کے مطابق امریکہ کی فوج گزشتہ سات سال سے عراق میں موجود تھی۔ میڈیا رپورٹ میں مزید بتایا گیا ہےکہ عراق سےامریکی فوج کا آخری جنگجو دستہ عراق کو چھوڑ کر کویت منتقل ہو گیا ہے جہاں سے اسے واپس امریکہ روانہ کردیا جائے گا۔ امریکی محکمہ دفاع پینٹاگون کا کہنا ہے کہ اب بھی عراق میں پچاس ہزار امریکی فوجی موجود ہیں جوعراقی افواج اورپولیس کی تربیت جاری رکھیں گے۔امریکی صدرباراک اوباما نے عراق سے امریکی فوج کےانخلاء کی ڈیڈ لائن اکتیس اگست دوہزاردس مقرر کی تھی۔ واضح رہے کہ عراق میں جنگ کے دوران اب تک چارہزارچار انیس امریکی فوجی ہلاک ہوئےہیں۔