بھارت اور برطانیہ کے درمیان سول نیوکلیئر معاہدے پر اتفاق

لندن (آن لائن) بھارت اور برطانیہ کے مابین سول نیوکلیئر معاہدے پر اتفاق ہو گیا ہے۔ بھارتی میڈیا کے مطابق معاہدے پر جلد دستخط ہونے کی توقع ہے۔ اس حوالے سے لندن میں بھارتی وزیر تجارت آنند شرما اور برطانوی سیکرٹری تجارت پیٹرمینڈلسن کے مابین ملاقات ہوئی جس میں جوہری معاہدے پر اتفاق رائے ہو گیا۔ برطانوی سیکرٹری خارجہ نے میڈیا کو بتایا کہ معاہدے پر اتفاق کے بعد آئندہ ہفتے اس پر دستخط ہونے کا امکان ہے۔