بحرالکاہل میں آنے والا طوفان کومپاسو جنوبی کوریا کے مغربی ساحل سے ٹکرا گیا

سمندری طوفان نے جنوبی کوریا کے مغربی اوروسطی علاقوں کو بُری طرح متاثرکیا ہے۔ محکمہ موسمیات کے مطابق طوفان جنوبی کوریا کے ساحلی علاقے سے مقامی وقت کے مطابق صبح چھ بجکرپینتالیس منٹ پرٹکرایا۔ طوفان کے باعث علاقے میں ایک سو انتالیس کلو میٹرفی گھنٹہ کی رفتارسے تیزہوائیں چلیں ، جس سے کئی تن آور درخت جڑوں سے اکھڑ گئے۔ طوفان سے متاثرہ علاقوں میں بجلی کا نظام بھی بُری طرح متاثرہوا ہے۔ اس کےعلاوہ متاثرہ علاقوں سے ملکی اور بین الاقوامی پروازوں کا سلسلہ بھی منسوخ کردیا گیا ہے۔