قندھار: بس سڑک کنارے نصب بم سے ٹکرا گئی، 6 مسافر ہلاک، 9 زخمی

قندھار (اے ایف پی) افغانستان کے صوبے قندھار میں مسافروں سے بھری منی بس سڑک کے کنارے نصب بم سے ٹکرا گئی جس کے نتیجے میں 6 افراد ہلاک اور 9 زخمی ہو گئے۔ فرانسیسی خبر رساں ادارے کے مطابق نیٹو حکام کا کہنا ہے کہ ابھی واضح نہیں ہو رہا ہے کہ اس دھماکے میں مسافر بس کو نشانہ بنایا گیا ہے یا پھر بس دوران سفر سڑک پر نصب بم سے ٹکرا گئی۔ دھماکے میں زخمی ہونے والے افراد کو ہسپتال منتقل کر دیا گیا ہے جہاں پر بعض کی حالت نازک ہے اور ہلاکتوں میں اضافے کا خدشہ ظاہرکیا گیا ہے۔