بھارت میں قید ایک پاکستانی سزا پوری ہونے پرجیل سے پراسرارطورپرغائب ہوگیا ہے۔

پاکستانی قیدی نیامت علی بھارت کے صوبہ پنجاب کی ہائی سکیورٹی والی امرتسرسنٹرل جیل سے غائب ہوا ہے۔ ڈپٹی کمشنر امرتسرکاہان سنگھ پنوں کا کہنا ہے کہ پاکستانی قیدی کی سزا پوری ہو چکی تھی،اس کی رہائی اورپاکستان روانگی کے لیے کاغذات مکمل کیے جا رہے تھے کہ وہ تیس اگست کی رات جیل سے غائب ہو گیا۔ ڈپٹی کمشنر امرتسرنے بتایا کہ ہمیں نہیں معلوم کہ پاکستانی قیدی کہاں اور کیسے جیل سے غائب ہوا تاہم واقعہ کی انکوائری کا حکم دے دیا گیا ہے۔ واضح رہے کہ بھارتی بارڈرسکیورٹی فورسزنے نوماہ قبل نیامت علی کوغلطی سے سرحد پار کرنے کے الزام میں گرفتارکیا تھا۔