ہالی وڈ کی معروف اداکارہ پیرس ہلٹن کو کوکین رکھنے کے الزام میں گرفتار کرلیا گیا۔

پیرس ہلٹن کو امریکہ کے شہر لاس ویگاس سے گرفتار کیا گیا ہے۔ گرفتاری کے وقت وہ ایک کار میں سفرکررہی تھیں جب پولیس نے شک کی بنا پر ان کی گاڑی کو روکا جس میں سے کوکین برآمد ہوئی۔ اداکارہ پیرس ہلٹن کو مشکوک سرگرمیوں کی بنا پر پہلے بھی گرفتار کیا جاچکا ہے۔ جنوبی افریقہ میں فٹبال کے گذشتہ ورلڈ کپ کے فائنل میچ کے دوران انہیں نشے اور منشیات رکھنے کے الزام میں گرفتار کیا گیا تھا تاہم بعد میں رہا کردیا گیا۔ اس سے قبل دوہزار سات میں بھی وہ شراب پی کر گاڑی چلانے کے الزام میں کیلیفورنیا میں زیر حراست رہ چکی ہیں۔