عافیہ صدیقی کو مجرم قرار دینا افسوس ناک ہے: فلمساز سہیل خان

لاہور (کلچرل رپورٹر) فلمساز سہیل خان نے امریکی عدالت کی طرف سے عافیہ صدیقی کو مجرم ٹھہرانے پر افسوس کا اظہار کرتے ہوئے اسے تعصب کی بدترین مثال قرار دیا ہے۔ انہوں نے کہا کہ امریکی جمہوریت کے علمبردار ہونے کا دعویٰ تو بہت کرتا ہے مگر اصل میں وہ جمہوریت کی دھجیاں اڑا رہا ہے۔ وہ کسی کی بات سننے کو تیار نہیں۔ انہوں نے کہا کہ ڈاکٹر عافیہ صدیقی کو مجرم قرار دینے سے اس کے عزائم کا پتہ چل گیا ہے وہ مسلمانوں کا دوست نہیں ہو سکتا۔