ٹی سی پی نے ٹینڈر میں چینی کی مقدار بڑھا دی

اسلام آباد (رائٹر/ ریڈیو مانیٹرنگ) ٹریڈنگ کارپوریشن آف پاکستان (ٹی سی پی) نے 15 جنوری کو جاری کئے گئے ٹینڈر میں چینی کی مقدار میں اضافہ کر دیا ہے۔ یہ ٹینڈر ہفتہ کے روز کھولے جانے والے ہیں اب یہ ٹینڈر 50 ہزار ٹن کی بجائے دو لاکھ ٹن چینی کے حصول کے لئے ہوں گے۔ ٹی سی پی نے دو لاکھ ٹن سفید چینی کی درآمد کےلئے کھولے جانےوالے ٹینڈر کے کھولنے کی تاریخ میں بھی تاخیر کر دی ہے اب یہ ٹینڈر 27 فروری کی بجائے چھ مارچ کو کھولے جائیں گے۔