ایف بی آر کے آڈیٹرز نے 14 سالوں سے ترقی نہ ملنے پر قلم چھوڑ ہڑتال کر دی

لاہور(کامرس رپورٹر) فیڈرل بورڈ آف ریونیو کے آڈیٹرز نے 14 سالوں سے ترقی نہ ملنے پر قلم چھوڑ ہڑتال کر دی۔ ترجمان فیض احمد نے بتایا کہ ایف بی آر نے 1996ءسے ہمارے لئے کوئی سروس سٹرکچر نہیں بنایا ، جس کی وجہ سے پبلک سروس کمشن سے منتخب اعلیٰ تعلیم یافتہ یہ 800 آڈیٹرز 14 سالوں سے ترقی کے منتظر ہیں۔ انہوں نے کہا کہ سروس رولز اور پروموشن کے لئے چیئرمین ایف بی آر نے سمری سیکرٹری فنانس ڈویژن کو بھجوا دی ہے جسے کئی ماہ سے سرد خانے میں ڈال دیا گیا ہے۔ انہوں نے وزیراعظم اور صدر مملکت سے مطالبہ کیا ہے کہ حق تلفیوں کا ازالہ کیا جائے ورنہ ہڑتال جاری رہے گی۔