کسان بورڈ کا پٹرولیم مصنوعات کی قیمتوں میں اضافہ اور لوڈ شیڈنگ کیخلاف احتجاج میں شامل ہونے کا اعلان

لاہور (کامرس رپورٹر) کسان بورڈ پاکستان نے ڈیزل کی قیمتوں اور لوڈ شیڈنگ کے خلاف تاجروں اور قومی جماعتوں کے احتجاج میں شامل ہونے کا اعلان کر دیا ہے یہ اعلان کسان بورڈ پاکستان کے صدر سردار ظفر حسین خان نے کیا ہے انہوں نے کہا کہ بجلی اور ڈیزل کی قیمتوں میں اضافہ کسانوں کے ساتھ زیادتی ہے پانی کی کمی کے باعث فصلوں کی آبپاشی انتہائی مشکل ہو گئی ہے بجلی کے ذریعے آبپاشی بالکل ناممکن ہو گئی ہے۔