اردو کو سرکاری زبان کے طور پر رائج کرنے کیلئے درخواست پر ہائیکورٹ نے وفاقی حکومت سے جواب مانگ لیا

لاہور (وقائع نگار خصوصی) لاہور ہائیکورٹ نے اردو کو سرکاری زبان کے طور پر رائج کرنے کے لئے دائر درخواست پر وفاقی حکومت کو نوٹس جاری کرتے ہوئے جواب طلب کر لیا۔ جسٹس شاہد وحید نے سماعت کی۔ درخواست گزار محمد عزیز کے وکیل نے موقف اختیار کیا کہ سپریم کورٹ کے واضح حکم کے باوجود حکومت کی جانب سے ملک میں اردو کو سرکاری زبان کے طور پر رائج کے لئے کوئی اقدامات نہیں کئے جا رہے۔ اردو کو سرکاری زبان کے طور پر رائج نہ کر کے آئین پاکستان کی سنگین خلاف ورزی کی جا رہی ہے۔
جواب طلب