فلاڈلفیا (ندیم منظور سلہری سے) سابق صدر پرویز مشرف نے کہا ہے کہ ہم امریکی توقعات کے مطابق ڈاکٹر قدیر خان کے ساتھ سلوک نہیں کر سکتے۔ امریکہ کو سمجھنا چاہئے کہ ڈاکٹر قدیر خان پاکستانی قوم کے ہیرو ہیں۔ انہوں نے جو کام کیا تھا وہ غلط تھا اور ہم نے قانون کے مطابق اسکے خلاف کارروائی بھی کی تھی۔ اگر امریکہ چاہتا ہے کہ ہم ان کے خلاف اُسکی منشا کے تحت مزید سخت اقدامات کریں تو ایسا کرنا پاکستان کی کسی بھی حکومت کے بس میں نہیں۔ ان خیالات کا اظہار انہوں نے فلاڈلفیا فرینکلن انسٹیٹیوٹ میں لیکچر دیتے ہوئے کیا۔