صوبہ شانڈونگ کے ایک ہوٹل میں موجود یہ ہرن روزانہ دو سے تین بوتلیں شراب پی جاتا ہے ۔ اس دوران اگر اسے پانی پلانے کی کوشش کی جائے تو یہ فوری طور پر منہ پھیر لیتا ہے ۔ یہ انوکھا ہرن شراب سامنے آتے ہی غٹا غٹ بوتل ختم کردیتا ہے ۔ یہ ہرن گزشتہ سال نومبر میں ہوٹل کی ایک ملازمہ کی جانب سے شراب پلانے کے بعد اب مکمل طور پر نشئی بن چکا ہے ۔ ہوٹل انتظامیہ اس کے لیے شراب کا خصوصی طور پر انتظام کرتی ہے ۔ یہاں آنیوالے سیاح اس شرابی ہرن کی اٹکھیلیوں سے خوب لطف اندوز ہوتے ہیں۔

جاپان ڈیزاسٹر ریلیف کے ہیلی کاپٹر یوایچ ون نے ملتان کےلیے اپنی پہلی پرواز کا آغاز کیا ہے ۔ حکام کے مطابق جاپان کی جانب سے ریلیف سرگرمیاں پاکستانی حکومت کی درخواست پرشروع کی گئی ہیں۔ جاپان کی سیلف ڈیفنس فورسز کی جانب سے چھ ہیلی کاپٹر جلد ہی جنوبی پنجاب میں مختلف امدادی سرگرمیوں میں حصہ لیں گے ۔ یہ ہیلی کاپٹر متاثرین میں اشیائے ضروریہ کی تقسیم کے ساتھ ریلیف ک دوسرے کام سرانجام دیں گے ۔ جاپان نے متاثرین سیلاب کی بحالی کے لیے ایک کروڑ چوالیس لاکھ ڈالر امداد دینے کا اعلان کیا ہے جن میں سے تیس لاکھ

بیجنگ+ نئی دہلی (اے ایف پی) چین نے بھارت کے ناردرن ایریا زون کے فوجی کمانڈر لیفٹیننٹ جنرل بی ایس جسوال کو یہ کہتے ہوئے ویزا دینے سے انکار کردیا ہے کہ ان کی کمان میں جموں و کشمیر کا علاقہ بھی ہے جسے چین متنازعہ سمجھتا ہے لہٰذا دورہ چین کیلئے انہیں ویزا جاری نہیں کیا جاسکتا۔