پنجاب بالخصوص لاہور ڈینگی وائرس کا سب سے بڑا شکار ہے جہاں مریضوں کی تعداد میں مسلسل اضافہ دیکھنے میں آرہا ہے۔آج ڈینگی فیور میں مبتلا دو خواتین سمیت مزید چار افراد کی ہلاکت کے بعد مرنے والوں کی تعداد ایک سو بارہ ہوگئی ہے۔ جنرل ہسپتال میں ڈیوٹی پر موجود نرس عاصمہ اس جان لیوا وائرس کا شکار ہوکر چل بسی۔ تھانہ لٹن روڈ کا کانسٹیبل فیاض بھی جنرل ہسپتال میں دم توڑ گیا۔ ادھرمیو ہسپتال میں زیرعلاج لاہوری گیٹ کا رہائشی چھبیس سالہ نوجوان محمد ارشاد اور بلال گنج کی ستر سالہ گلزار بی بی جاں بر نہ ہوسکے۔

ذرائع کے مطابق رحیم یارخان میں کالعدم تنظیم کے رہنماملک اسحاق کےاستقبالہ جلوس پرہیڈ پنجند کے قریب نامعلوم افراد کی فائرنگ سےچارافراد جاں بحق جبکہ سات زخمی ہوگئے۔زخمیوں میں پولیس اہلکاربھی شامل ہیں۔واقعہ کے بعدمظاہرین کی بڑی تعداد علی پورتھانے کے باہرجمع ہوگئی اوراحتجاج شروع کردیا۔

حزب التحریرکے جولائی دو ہزار سات میں حساس اداروں کے ہاتھوں اغوا ہونے والے چارافراد عمران یوسف زئی، حیان داورخان، ڈاکٹرعبدالقیوم اور اسامہ حنیف کی درخواست کی سماعت جسٹس ناصرالملک اور جسٹس طارق پرویز پرمشتمل دورکنی بینچ نے کی۔ درخواست گزاروں کے وکیل ایڈووکیٹ عمرحیات سندھو نے عدالت عظمی کوبتایا کہ اسلام آباد ہائی کورٹ میں کیس کی سماعت کے دوران واضح طورپرحزب التحریر کے افراد کواغوا کرنے کے ثبوت اوربیانات پیش کیے جاچکے ہیں اوراس پراسلام آباد ہائی کورٹ ڈی جی ملٹری انٹیلی جنس اور ڈی جی آئی ایس