پولیس حکام کے مطابق دھماکہ گاڑی کا گیس سلنڈرپھٹنے سے ہوا، دھماکے کے بعد سکیورٹی اداروں نے علاقےکوگھیرے میں لے کر امدادی کارروائیاں شروع کردیں، ابتدائی طور پر دھماکے میں دو افراد جاں بحق جبکہ سولہ کے زخمی ہونے کی تصدیق ہوئی ہے، ریسکیوٹیموں نے زخمیوں کولیڈی ریڈنگ ہسپتال منتقل کردیا ہے جن میں سے بعض کی حالت تشویشناک بتائی جاتی ہے۔

پولیس ذرائع کے مطابق پشاورکے علاقے متنی لداگر میں امن لشکر کے رضاکار اعجاز باچا کے حجرے کے باہر چالیس کلو دھماکہ خیز مواد ایک گاڑی میں رکھا گیا تھا جسے ریموٹ کنٹرول سے اڑا دیا گیا، دھماکے کے نتیجے میں امن لشکر کے دورضا کار اعجازباچا اورکرامت اللہ اور کمیونٹی پولیس اہلکار اقبال حسین جاں بحق ہو گئے جبکہ زخمی ہونے والے چھ اہلکاروں کو لیڈی ریڈنگ ہسپتال منتقل کر دیا گیا جہاں ان کی حالت خطرے سے باہر بتائی جاتی ہے۔

پشاورصدر کے مصروف اور گنجان آباد علاقے خیبر سپرمارکیٹ میں پہلا دھماکہ گزشتہ رات گیارہ بج کر چھپن منٹ پرہوا۔ کم شدت کے اس دھماکے کے بعد لوگ امدادی کارروائیوں میں مصروف تھے کہ دوسرا زور دار دھماکہ ہوگیا۔ دھماکوں کی نتیجے میں جاں بحق ہونے والوں کی تعداد سینتیس ہوگئی ہے جن میں دو صحافی بھی شامل ہیں۔عینی شاہدین کے مطابق دوسرادھماکہ اتنا شدید تھا کہ اس سے قریبی عمارتوں کے شیشے ٹوٹ گئے اور ان میں آگ لگ گئی جبکہ جاں بحق ہونے والوں کی لاشیں اور اکثر زخمی بھی جھلس گئے۔ حکام کے مطابق پہلا دھماکہ کریکر سے