مظاہرین نے ہاتھوں میں بینرزاور پلے کارڈ اٹھا رکھے تھے جن پر ویلیو ایڈڈ ٹیکس نامنظور کے نعرے درج تھے مظاہرین ویلیو ایڈڈ ٹیکس کے خلاف نعرے بازی کررہے تھے، مظاہرین سے خطاب کرتے ہوئے سکھر اسمال ٹریڈرز کے جنرل سیکرٹری جاوید میمن نے کہا کہ ویلیو ایڈڈ ٹیکس کے نفاذ کا فیصلہ واپس لیا جائے کیونکہ اس ٹیکس کے لگائے جانے کے بعد ملک میں مہنگائی کے طوفان میں مزید اضافہ ہوگا، پہلے ہی عوام مہنگائی اوربیروزگاری کے ہاتھوں پریشان ہیں اگر ویلیو ایڈڈٹیکس نافذ کیا گیا توعوام کی مشکلات مزید بڑھ جائیں گی۔