سڈنی کےمونٹیسٹرہال میں اس وقت فینز کی بڑی تعداد دم بخود رہ گئی جب لیڈی گاگا نے کنسرٹ کے دوران وہیل چئیر پر انٹرنس دی۔ گلوکارہ کے نئے روپ کو لوگوں نے بہت سراہا۔ لیڈی گاگا نے،بورن دس وے،جسٹ ڈانس، پوکر فیس اور ایج آف گلوری سمیت اپنے مشہور گانوں پر پرفارم کیا۔ شو کے دوران لیڈی گاگا کی دھواں دار پرفارمنس نے حاضرین کو جھومنے پر مجبور کردیا۔ اس سے قبل سڈنی پہنچنے پر گوکارہ کا شاندار استقبال کیا گیا۔ فینز کی بڑی تعداد سنگر کی ایک جھلک دیکھنے کو بیتاب تھی۔

ان خوبصورت نیلی وہیل مچھلیوں کو دیکھنے کے لیے لوگوں کی ایک بڑی تعداد ساحلوں کا رخ کر رہی ہے ۔ امریکی میری ٹائم حکام کے مطابق  گزشتہ پچاس سال میں پہلی مرتبہ دو سو سے زائد وہیل مچھلیوں کو لاس اینجلس کے ساحل کے قریب دیکھا جا رہا ہے ۔ حکام کا کہنا ہے کہ یہ وہیل مچھلیاں چھوٹی آبی حیات کو بطور خوراک استعمال کرتی ہیں اور اسی تلاش میں ساحل کے قریب آئی ہیں ۔ مچھلیوں کی آمد سے جہاں مقامی ساحلوں پر کاروباری سرگرمیوں میں اضافہ ہوا ہے وہیں ان نایاب مچھلیوں کی زندگیوں کو شدید خطرات بھی لاحق ہو چکے ہیں ۔

ریت میں پھنسی ستر کے قریب مچھلیوں کی اطلاع جیسے ہی میڈیا کےذریعے پہنچی تو رضا کار انہیں بچانے کےلیے ساحل پر پہنچ گئے۔ اس امدادی آپریشن کا اہتمام وہیل ریسرچ آرگنائزیشن کی جانب سے کیا گیا تھا جبکہ ایک سو سے زائد رضا کاروں نے اس کارروائی میں حصہ لیا ۔ رضا کار ریت سے نکالنے کے دوران وہیل مچھلیوں کے جسم کو پانی سے تر کرتے رہے ۔ مقامی میڈیا کے مطابق سخت جدوجہد کے بعد چوبیس مچھلیوں کو بچا لیا گیا ہے جبکہ باقی کو بچانے کے لیے کوششیں جاری ہیں ۔ نیوزی لینڈ میں گزشتہ ماہ بھی چونسٹھ وہیل مچھلیاں ساحلی ریت