راولپنڈی کی انسداد دہشتگردی کی خصوصی عدالت نمبر تین کے جج شاہد رفیق نے اڈیالہ جیل میں کیس کی سماعت کی ۔ دوران سماعت ایف آئی اے نے سابق صدر پرویز مشرف کی جائیداد کی تفصیل فراہم کرنے کے لئے مزید مہلت مانگی جسے عدالت نے منظور کر لیا۔ عدالت نے مقدمے کے سات ملزمان کے وکلاء کو گواہوں کے بیانات کی نقول فراہم کرتے ہوئے کیس کی سماعت ستائیس اگست تک ملتوی کردی۔ آئندہ سماعت پر ملزمان پر فرد جرم عائد کی جائے گی۔ ضمانت پررہا دو پولیس افسران سعود عزیز اور خرم شہزاد بھی سماعت کے دوران عدالت میں پیش ہوئے جبکہ

کیس کی سماعت جسٹس شیخ عظمت سعید کی سربراہی میں قائم لاہور ہائی کورٹ کا دورکنی بینچ کررہا ہے۔ کیس کی سماعت کے دوران صدر سپریم کورٹ بار عاصمہ جہانگیر نے عدالت سے استدعا کی کہ وکلاء کے خلاف دہشت گردی کے مقدمات درج کرنے پر ڈی پی او جھنگ کافوری طور پر تبادلہ کیا جائے۔ کیس کی سماعت کے دوران عدالت نے جھنگ کے وکلاء سے تین ماہ سے جاری ہڑتال ختم کرنے کا مطالبہ بھی کیا۔ عدالت نے کیس کی آئندہ سماعت پر دونوں گمشدہ وکلاء کو عدالت کے سامنے پیش کرنے کے احکامات جاری کرتے ہوئے سماعت پندرہ ستمبر تک موخر کردی ۔

انسداد دہشت گردی کی عدالت میں سرفرازشاہ قتل کیس میں ملوث رینجرز اہلکاروں کے وکلاء کی جانب سے درخواست داخل کی گئی جس میں انہوںنے عدالت کو بتایاکہ گزشتہ روز دووکلاء کوہلاک کردیاگیا ہے جسکے باعث وہ عدالت میں پیش نہیں ہونگے کیونکہ وہ اپنے وکلاء بھائیوں کے غم میں برابر کے شریک ہیں۔عدالت نے درخواست منظور کرتے ہوئے کیس کی سماعت یکم اگست تک ملتوی کردی۔