اسلام آباد (نمائندہ نوائے وقت) بنک آف پنجاب قرضہ فراڈ کیس کی ثالثی کمیٹی کے چیئرمین جسٹس (ر) سید جمشید علی نے جائیداد کی فروخت کے سلسلے میں ملزمان کی جانب سے عدم تعاون کے باعث اپنا عہدہ چھوڑنے کی سپریم کورٹ سے اجازت مانگ لی ہے جبکہ حارث افضل نے اپنے رویئے پر ان سے معافی مانگ

پولیس فاؤنڈیشن فراڈ کیس اوردیگر الزامات میں گرفتارمسلم لیگ نون کے رکن قومی اسمبلی انجم عقیل خان کواڈیالہ جیل راولپنڈی سے ضمانت پررہا کیا گیا ہے۔ رہائی کے بعد میڈیا سے گفتگوکرتے ہوئے انجم عقیل خان کا کہنا تھا کہ ان پرمقدمہ قائم کرنے والےخود کرپشن کی پیداوارہیں ۔ مخالفین نے مسلم لیگ نون کی مقبولیت سے خوفزدہ ہوکر ان کے خلاف سازش کی تھی جس میں وہ کبھی کامیاب نہیں ہوں گے۔ انہوں نے کہا کہ انہیں عدالتوں پر مکمل اعتماد ہے اور وہ مستقبل میں بھی سرخرو ہوں گے۔

بینک جرائم کورٹ کے جج ملک عبدالرشید کی جانب سے این آئی سی ایل کیس کی سماعت کے انکار کے بعد لاہور ہائیکورٹ نے کیس کی سماعت سیشن کورٹ لاہور کو منتقل کردی تھی۔ ڈسٹرکٹ اینڈ سیشن جج مجاہد مستقیم کو سپیشل جج کے اختیارات دیئے گئے ہیں۔ کیس کی سماعت کے دوران مونس الہٰی کے وکلاء کی جانب سے بریت کی درخواست دائر کی گئی جس پر فاضل عدالت نے ایف آئی اے حکام کو نوٹس جاری کرتے ہوئے کیس کی آئندہ سماعت پر مونس الہٰی کو بھی پیش ہونے کا حکم جاری کیا ہے۔ کیس کی آئندہ سماعت گیارہ اگست کو ہوگی۔