کوئٹہ (بیورو رپورٹ) ہرنائی میں شرپسندوں کی فائرنگ سے تیل و گیس تلاش کرنے والی کمپنی کے 3 ملازمین ہلاک جبکہ سکیورٹی اہلکار سمیت 4 افراد زخمی ہو گئے۔ مرنے والوں میں جمیل حسین سکنہ راولپنڈی‘ اعجاز احمد‘ شہباز علی سکنہ کوہاٹ شامل ہیں۔ لیویز فورس نے نعشیں آبائی علاقوں کو

اطلاعات کے مطابق اورکزئی ایجنسی میں سکیورٹی فورسز نے شدت پسندوں کے ٹھکانوں پرجیٹ طیاروں سے بمباری کی جس کے نتیجے میں دس شدت پسند ہلاک اور متعدد زخمی ہوگئے ۔ ادھر خیبرایجنسی کے علاقے وادی تیراہ میں بھی سکیورٹی فورسز کی شرپسندوں کے ٹھکانوں پر شیلنگ کے باعث دس شرپسند ہلاک اور پانچ زخمی ہو گئے ہیں۔شیلنگ کے نتیجے میں شرپسندوں کے پانچ ٹھکانے بھی تباہ ہو گئے ہیں ۔ دوسری جانب کرم ایجنسی میں بارودی سرنگ کے دھماکے میں خاتون سمیت دو افراد جاں بحق ہو گئے۔

میجر جنرل جاوید اقبال کے ہیلی کاپٹر پر سوات میں نامعلوم افراد نے فائرنگ کی جس کے نتیجے میں میجر جنرل کی ٹانگ میں معمولی زخم آیا۔ فائرنگ کا واقعہ سوات کے علاقے نصرت درہ میں صبح ساڑھے گیارہ بجے کے قریب پیش آیا۔ فائرنگ سے میجر جنرل جاوید اقبال کی دائیں ٹانگ زخمی ہوئی جس کے بعد انھیں اسی ہیلی کاپٹر میں راولپنڈی منتقل کر دیا گیا جہاں ان کا علاج جاری ہے